ياغربة ...
الغربة ... سيئة أم .....
نذكر جميعاً مسرحية الغربة و ما حملته من قصص عن معاناة من يتغرب و بالرغم من كل المخاطر فإن الغربة في أيامنا أصبحت موضة و شي لابد منه تعودت عليه الأمهات اللي عندون أكتر من ولد . الحجة هي في سوء الأحوال الاقتصادية و بأن العمل لا مكان فيه لمن ليست له خبرة .أو الهرب و دفع البدل ..
لكن هل أصبحت الغربة أكثر حناناً على أولادنا من وطنهم ؟ هل تجعل الغربة شبابنا أكثر انفتاحاًو ثقة بنفسهم أم أنها و بحسب المسرجية تبقى غربة و المغترب يبقى رقماً في بلاد التكنولوجيا؟
شو رأيك ؟!!
التعليقات
خلصنا جامعة ، قالوا اخدم عسكرية ، خدمنا عسكرية ، حصلنا على عمل بآخر الدنيا براتب 15000 يذهب منها 5000 مصروف يبقى 10000 يعني بالسنة 120000 وبدك تصرف 20000 مصاريف متفرقة يبقى 100000 سنويا ، ثمن اي شقة لايقل عن 1600000 يعني تحتاج 16 سنة للحصول على بيت ومصاريف زواج 400000 يعني بدك 20 سنة وعمرك 26 يصبح عمرك 46 سنة ومتوسط عمر الانسان 65 بقي 19 سنة من حياتك شو هالعيشة الزفت والله الكلاب عايشة احسن من هيك ، اغتربنا غصبن عن راسنا، اعطيناكم طفوتنا شبابنا ولم تعطونا حياة كريمة .
احيانا بننجبر على الغربة ما بنختارها... وبالغربة ممكن نربح جوانب بس رح نخسر جوانب تانية
الوطن يلي ما فيه حد يحبك وعيلة تحضنك متله متل الغربة
وصحي ...... قال شو جبرك عالمر، قله الأمر
الله يرحم المتل ويللي قاله: الذليل بوطنه عزيز....... مين عزيز !!!!؟؟؟؟؟؟؟ ووين الوطن !!!!!!!!!!!!!!!؟
وسن ما رحنا أغراب ........ حتى بوطنا
الله يفرج أحسن شي
ما في أي خريج جامعي عندو جيش ما بيتمنى يسافر و يتغرب و أول واحد محسوبكم خريج معلوماتية ما في أي شركة بترضى تعطيك راتب محترم لحتى تكون خادم جيش و الله بتمنى اشتغل ببلاش برى بس ما إخسر من عمري سنة و تسع تشهر لأن للإسف ما بيستغلو الواحد بمجالو بكون مبرمج بيخدم سلاح مدفعيه و الله حرام
لكل سبب يوجد مسبب..... لذلك خلينا نحكي بصراحة وعلى بساط احمدي , شو سبب الغربة؟
الجواب : الوطن
على أد محبتنا للوطن بس للأسف هو الي خلانا ناخد هيك قرار .... نحنا منعرف تمام المعرفة انو قدملنا كتير بس العطاء توقف مبكرا....لسا الشباب بحاجة انو الوطن يوقف جنبهم في ظل هيك ظروف اقتصادية صعبة. خليني أناقش معكن بعض النقاط الي دفعتني للغربة:
1- خدمة العلم الالزامية: ليش لهلأ عم نعاني من هالقصة ؟ في عنا هموم اجتماعية واقتصادية لازم نهتم فيا.
2- تأمين السكن: الي صار حلم .... انا اذا اشتغلت بسورية كيف بدي ادفع تمن بيت صغير 80متر مربع بحي شبه مقبول بمدينة حلب 5 مليون ليرة سوري.
3- فرصة العمل المناسبة : انا عم احكي عن حالي كمهندس, اذا الله سبحانو وتعالى رزقني بشغل بسورية ... فيكن تقولولي شو هو احسن راتب ممكن احصل عليه كخريج جديد ومقبل عالحياة وكيف ممكن هالراتب يغطيلي التكاليف الأدنى من مستلزماتي (عم احكي كفرد وليس جمع...يعني ماعم احكي انو في عندي عيلة او حدا عم عيلو) ......الجواب هو 15000 ليرة او كحد اقصى 20000 ليرة سورية للأسف الشديد....وكلنا منعرف هيك راتب شو بيغطيلك.
بصراحة يا جماعة هي عناوين عريضة بس .... وانا متلي متل غيري مليت من ذكر الأسباب لأنو كتيرة ومابيفيد الحكي فيا لأنو مافي حدا عم يسمع الآخ ....انا عم اكل الرمل بالخليج وعم اتحمل (انا السوري مرفوع الرأس) اني اعيش بمجتمع فيو خليط من الشعوب القذرة مع احترامي الن بس هنن حقيقة قذرين (الهندي والباكستاني والفليبيني والبنغالي) غير انو عم نتبهدل وعم يعاملونا كشعوب نخب عاشر لأنو (الأول هو المواطن والتاني هو الامريكي والتالت هو الاوروبي والرابع هو اللبناني ههههههههه ونحنا منجي بالمؤخرة)....كل هاد بس مشان اقدر ارجع على سورية بعد 5 سنين وخلص الخدمة الالزامية وادفع البدل واقدر أوفر دفعة اولى وتانية للبيت وبعدين وششششششششششش انقطع الارسال............. طيب ليش ؟
حسبي الله ونعم
أصعب غربة هي أن تكون مغترب في بلدك ...
للأسف الفرص الموجودة بالغربة مو موجودة عنا
و المردود اللي بياخده الواحد مقابل تعبه أضعاف اللي بياخده ببلده
بالمقابل القصة قصة أولويات أنا بالنسبة إلي العيلة والعلاقات الاجتماعية بالدرجة الأولى لهيك رجعت لبلدي ولهلق مو ندمان كتير