كلامك صح 100% والمشكلة مو بالعمل المشكلة بالشب يلي هو طمعان بمدخول كبير بس بدون أي جهد 
المشكلة فينا كعقول بشرية دائما\" بدور عالشي المريح والمردود الكبير وهاد خطأ كبير
الرزقة مكتوبة مكتوبة بس ربنا بكافي كل أنسان مجتهد بعملو وكل أنسان عم يشتغل بضمير
أنا بأيد هالكلام ومعك 100%
بس أزا بدي أحكي عن وضعي فأنا شب هلا بدون عمل بالرغم من طاقتي القوية ويلي بتحسسني بأنوالعمل هو أكسجين لحياتي
ومع هيك ماعم لاقي ولا فرصة طلع فيها هالطاقة هي
كمان بحط اللوم عالشركات والمحلات والمكاتب كتير عم يبالغو بطلباتن وبصراحة حتا ولو كان هالشخص عم يعطي شغل ويقدملن حقن عم يكونوا معو هنن مقصرين بحقوقوا
برئي صار العمل هلا أستعباد العامل عم يطمع براتب كبير وصاحب العمل عم يستغل طاقة هالعامل عراتب مو منطقي

من خلال عملي كمدير انظمة في احدى الفنادق الراقية حسب خبرتي وشهادتي في علوم الكمبيوتر بكلوريوس كان لي إطلاع تعدى ذلك الى دراسة مادة الموارد البشرية من خلال كتاب ادراة الموارد البشرية باللغة الأنكليزية دفعني ذلك الى الدخول بنقاشات حول هذا الإختصاص مع مدير الموارد البشرية بالفندق وقمت بإعارته ذلك الكتاب لمدة شهر تبين لي بعد ذلك ان الكتاب لم يفتح حتى أنه بقي على حاله وما تبين لي في مابعد ان ذلك المدير ليس لديه حتى شهادة بكلوريا و حول حقيقة عمله فهو عبارة عن عمل استخبارتي بحت ضمن هذا الفندق يمارسه على الموظفين لا أكثر ولا أقل وأعتقد هذا الواقع موجدود في عدد كبير من شركاتنا في سوريا دون تعميم ولكن في غالبها.

بعد خبرة تجاوزت العشر سنوات بشركات محلية وعالمية في سوريا والخليج العربي، صار معي التالي باحدى المقابلات بسوريا:
شركة من كبرى الشركات السورية تعاني من هروب موظفينها او ترك الوظيفة بدون حتى تقديم الاستقالة... وبعد ان شرحت وشرحت وانهمكت بشرح وضع الخطط المناسبة للحفاظ على الموظف وكيف تجعل موظف الشركة يشعر بالولاء لشركته... اجابتني السيدة التي قامت باجراء المقابلة معي بالتالي:
\"اوكي كلامك حلو كتير، بس كمان لازم اجي الصبح ع الشركة شوف عمال النظافة منضفين قدامها، ورح تكون مسؤوليتك هالقصة.. وكمان بدي منك تنقلي اخبار الموظفين وشو بيحكو عني او عن صاحب الشركة (يعني البابا)\"

انا يا عزيزتي اعمل مع موظفي لافهم مشاكله التي تقف عائقاً بوجه عمله... اكافأه او اعاقبه حسب القانون وسياسة الشركة.. انا لا اعمل مخبر ضد الموظفين لأنال رضاكي ورضا البابا... فيكي تجيبي حدا ما عندو خبرة لكن وتشغليه وبراتب قد ربع الراتب اللي طلبتو منك...

رح اتعقد وما عاد في حل الا السفر مرة اخرى... لحد هاللحظة الاتش ار بسوريا هوي خصم من الراتب ومراقب الدوام وفلان غاب وفلان ما غاب...

شي بملل عم اعمل بشركة خاصة دوام عشر ساعاتوالزيادة معدومة عندهم لايمتى رح نتم على هالحال شي بملل عن جد انا مليت عن جد شوفو كم شركة دوامها انساني الاكانهم عم يشغلو عبيد يمكن لو يصحلهم ليشغلونا 24 على 24

في عنا مشكلة نحن كإدارة موارد بشرية، و اللي بتتلخص انو معظم أصحاب العمل ما بيعرفو شو معنى كلمة hr و ما بيعرفو شو بيشتغلو، مفكرين انو شغل الـHR هو تعيين و فصل و دفع رواتب. فاللي بيصير انو كل ما بدك تعمل شغلة شو ما كانت عادية لازم اول شي تشرح مفردات، بعدين تشرح اللي بدك تعمله، بعدين تشرح ليش بدك تعمله، و شو النتايج و غيرا و غيراتا من الشروحات. بتكتشف بالأخير انك ضيعت نهارك و انت عن تحكي و ما عملت شي. و فوق كل هاد بيجيك القرار بالرفض لأنو نفس النتيجة مو فهمانين شو يعني HR فمعناتا حكيك ع الفاضي. لك حتى على مستوى تعيين موظف صاحب كفاءة لازم تشرح ليش انت بدك هي الكفاءة مع انن بيعرفو.

المهم بالنهاية بدل ما تتحارب من الموظفين بتتحارب من صاحب العمل و بيجيك بالنهاية بيقللك انو شغلك مو عاجبه مع انو هو شخصي مو عرفان انت شو عم تشتغل و لا هو ليش مشغلك عنده. بتعتبر حالك انك بدك تنقل الشركة من محل بسوق الحريقة لشركة محترفة بتبلش بحماس كتير كبير و مفكر حالك انك بلشت تنجح بتقوم بتنصدم بالواقع انو شغلك مو عاجبه و انك مكانك راوح.

انا ما عم دافع عن جماعة الـ HR بس ما حدا بيعرف انو نحن كتير بنتعرض لمواقف بايخة انو فجأة بنلاقي في بالشركة موظف مداوم ما بنعرف عنه شي ولا شو بدو يعمل، بيطلع صاحب الشركة أو المدير جايبه من طرفه و حى لو طلع هاد الشخص ما عنده الكفاءة اللازمة للشغل ما بنقدر نحاسبه.

انا برأيي قبل ما نفكر بتدريب و تطوير الموظفين نفكر نعمل غسيل دماغ لأصحاب العمل، لأنو بالأول كانت الـHR بالخبرة هلأ صارت دراسة رسمية و شهادات و انا وحدة من الناس اللي درست و تعلمت كيف كون محترف بس شي بيزعل لما بتلاقي حالك دفعت مصاري و جهد على الدراسة و بالأخير عم تتحارب من الشخص اللي وظفك لأنو مو فهمان. و مع ذلك عم نحارب لأنو لازم ننقل الشغل من مرحلة التجارة لمرحلة الاحترافية.

و برجع بزكر انا ما عم دافع عن جماعة الموارد البشرية بس لازم الناس تعرف شو الضغط اللي عم نتعرضلو

المشكلة التي حصلت معي يا سيدي بعكس ذلك ... عملت لسنتين كاملتين في شركة غذائيات وقمت بتأسيس برنامج الأمين لهم و نقلهم من الرشيد للأمين و استلمت أغلب مهام المحاسبة فيها ... و الدوام 8.5 ساعة , و الراتب سيء جداً , ولا يوجد إجازات , وأي تأخير أو غياب سواء بداعي المرض أو لأي سبب فيتم حسمه من الراتب , ولا وجود لنظام ترقية و لاوجود لنظام حوفز , فقط عليك أن تعمل ولا تخطئ وبإعتبارك محاسب شاطر لازم تحمل أخطاء المدير في حال أخطا وأي انجاز ينسب للإدارة وليس للمحاسب , أي خطأ ينتسب للمحاسب حتى ولو كان من الإدارة .,

بعد كل هالعذاب و المطالبة برفع الراتب دون وجود آذان صاغية كان لابد من راحة البال .. فقلنما للشركة باي باي ...

والله الحقيقة شي غريب عجيب .. كل طالبي العمل الذين تكرموا بالكتابة هنا .. معهم حق ...  انا كنت في الخليج .اعمل في بنك  وقررت ان اعود الى البلد لظرف شخصي طارئ وبدأت رحلة العذاب المهين .. ولم اجد فرصة عمل هنا  لان الرواتب شي مخزي ...  قابلت كل مدراء  الموارد البشرية .في البنوك الموجودة في مشق . لم اجد احدا منهم مهتما بخبرتي التي حملتها معي من ابوظبي ..الامر لا يتعلق بالرواتب فقط بل لاني اعلى سقفا من الذين يفترض ان يكونوا المسؤولين عني بل حتى ان احدهم كان يعمل ضمن فريقي ولم ادائه في السوق مقنعا لادارة البنك فتم فصله رغم مساعدتنا له اكثر من مرة ...

انا انسان اجد نفسي في الادارة والتعامل مع البشر وعلاقاتي جدا مميزة اكثر من المحاسبة و لكن اخترت المحاسبة بسبب موت علم الادارة في البلد فلا يوجد شيء اسمه احترام لعلم الادارة فالمدير هو نفسه صاحب الشركة الذي يملك رأس المال وهم المتحكم وهو الذي يفرض سياساته الادارية المبنية على عقلية تربية الاباء والاجداد بعيدا عن كل ما يتعلق بمفاهيم الادارة والموارد البشرية ، ولكن هذا لا يمنع يوما من تحقيق حلمي في ادارة ناجحة وان حصلت على اجازة في المحاسبة .

كلو وسايط وكلو لينفعو بعض وتتم سرقات  ومن تحت الطاولة وبيحطو الحئ عالمتقدم

لك شوفو شبابنا ضاعو بالشوارع وهنن ما ام يلاقو عمل وتفشي المشاكل بيناتون

متل ما قيل كلو اعمال عائلية لنشوف هالشركات شو حيصير فيها

اتوجه لكاتب المقال الذي شد اللحاف الى طرف اقسام الموارد البشرية و جعل الشبهات تدور كلها على طالب العمل و اقول للجميع :

ان طالب العمل كثيرا ما يكون بعيدا عن متطلبات السوق و اساليبه و ادواته و لكنه يبحث عن عمل فقط ليدر عليه المال بشكل دوري و هنا ياتي الدور الحقيقي لاقسام الموارد البشرية التي اكتفت عندنا في سوريا باجراءال مقابلات و اطلاق العنان لقدراتهم الشخصية بتقييم هذا و رفض ذاك او قبوله ؟ فالمهمة الاساية لهذه الاقسام هي تدريب الموظفين الجدد و اعادة تاهيل القدامي بمايتناسب مع تطورات الشركة و متطلباتها و البحث عن ارقى الوسائل لاستقطاب الموظفين الجدد ذوي الكفاءات المناسبة او القريبة للمناسبة من خلال عملية تفاضل بعيدة عن الواسطة و الارتياح النفسي لصاحبة هذه الصورة او تلك .

و اخيرا

اكاد اجزم ان جميع اقسام الموارد البشرية في البنوك الخاصة غالبا ما تكون ادوات رخيصة لتسهيل دخول هذا الشخص لفريق العمل حتى و لو حقق ادنى الشروط للوظيفة المطلوبة علما ان ادراج تلك الاقسام مليئة بالسير الذاتية التي تنام في تلك الادراج من دون حتى ان تاخذ نصيبها من القراءة بعناية و اهتمام . . . . .  و ما هو السبب ؟

لان موظف قسم الموارد البشرية بالاساس ليس منتقى انتقاءا علميا و مهنيا  و تبقى المعرفة او الواسطة بالمصطلح العام هي الغالب باختيار او انتقاء الموظفين الذين نراهم اليوم يشغلون المناصب و لمن يرغب بالاطلاع على الدليل عليه سؤال نسبة من موظفي القطاعات الخاصة و خاصة البنوك الخاصة و يجري تحليلا بسيبطا ليفرز نسبة الذين تم توظيفهم دون واسطة و بناء على مؤهلاتهم و كفاءاتهم . طبعا هذا ان ادلى هؤلاء الموظفين بالاجابات بشفافية خالصة .

و اشكر جميع اقسام الموارد البشرية على حرصهم لتطبيق المعايير المناسبة في الاختيار و الانتقاء و ايضا لمراعاتهم الاستثناءات الواردة من هنا و هناك

سامر النقيب

أنا تقدمت على وظيفة مشرف سلامة وأنا عندي خبرة وعملت في شركات وكلما تقدمت الى العمل المعروض تاتي ملاحظة بان طبيعة العمل لا تتناسب مع الفرصة وصرت أغير هون وهون في السيرة الذاتية ومع هالشي نفس الرسالة المحترمة تجي بخصوص طبيعة العمل يا ناس يا عالم شو الحل!!!!!

بصراحة صاير وضع اشغل عنا بالبلد بيقرف وبطل المتقدم لفرصة العمل يعرف شو بدها الشركة من الصفات الشخصية للشخص المتقدم .

فمثلا بعض الشركات وضعت مقاييس لموظفة الاستقبال ( حلوة ومايعة ) وللمحاسبة ( قوية الشخصية وصارمة ) وهذا الشيء متعارف عليه نوعا ما ولكن بعض الشركات تفضل العكس . تقدمت لاحدى الشركات الكبرى لشغل منصب محاسبة وبعد عدة مقابلات أخذت الموافقة وبقيت المقابلة النهائية والجميع سواء المدير المالي ومدير الموارد البشرية أكدو جميعهم أن هذه المقابلة شكلية ولهذا السبب توقفت عن البحث واعتذرت عن المقابلات الاخرى على اعتبار أنه قد تم الاتفاق مع تلك الشركة وبعد طول انتظار يتصل أحد الاشخاص من تلك الشركة ويقول لي بالمشرمحي ياآنسة أنا حابب أخدمك لا تستني لحتى يدقولك لانهن مارح يدقولك لانك محجبة وصحيح بيعملو مقابلات بس كل هالشي عالفاضي . بالتهاية صحيح ما إلي نصيب اشتغل حتى الآن ولكن بسبب هذه الشركة أضعت الكثير من الفرص

انا مغترب من حوالي ال 9 سنين و خبرتي بمجال التأمين و خاصة التأمين الصحي

و في السنتين الماضيتين حاولت جاهدا اني ارجع استقر ببلدي بس للأسف كل الشركات اللي قدمت عليها ما تنازلو و حكو معي مع اني متأكد من حاجتهن لموظفين و خاصة لشخص عندو خبرة و أنا ما كنت متأمل براتب أعلى بكتير من الرواتب اللي عم تنعطى للموظفين الجدد و اللي ما عندهن خبرة ،

بس المشكلة للأسف انو الشركات ببلدنا ما بعرف ليش بيترددوا كتير انهم يتصلو مع شخص كان يشتغل برا البلد و خاصة اذا كان لا يزال شغلو ماشي يعني مو عايش بسوريا و أنا وصلني خبر من أصحاب الي ببعض الشركات لما حاولوا يعرفو ليش ما اتصلو فيي مع العلم انهم محتاجين موظفين و في شواغر وصل لجواب هو انهم ما بدهم شخص متلي عندو هيك خبرة ، هيك شخص رح يطلب راتب عالي و ما رح تعجبو رواتبنا .

ليش ؟؟؟؟؟؟؟

الشركة شو بتخسر لما بتعطي فرصة لهالأشخاص اللي حابين يرجعوا لبلدهن و يستقروا و يفيدوا بلدهم بخبراتهم ، و الشركة بتعطيه العرض اللي عندها و اذا ما عجبوا ما بيكون حدا خسر شي .

إلى صاحبة الاسم المستعار \"لسه في آمان\" المحترمة

تقوم الشركات بإخفاء اسمها في عدة حالات منها:

1.       شركات لا ترغب بأن تعلن عن نقاط ضعفها أو خططها في التوظيف أو التوسع أمام المنافسين في السوق.

2.       شركات ترغب باستبدال شخص موجود في الشركة أصلاً و إن عرضها للشاغر يعرضها للحرج أمام الموظف المراد استبداله.

3.    عندما تحاول أن تلغي دور الواسطة فإنها تخفي اسمها، فالعديد من المدراء الإداريين لدى شركات كبيرة يخفون اسم الشركة لعدم رغبتهم بتلق اتصالات من أشخاص الواسطة أولاً و من مكاتب التوظيف ثانياً.

4.       بعض الشركات المشهورة بضعف رواتبها بين الباحثين عن عمل فإنها ترغب بجذب كوارد إليها بعيدا عن ذكر اسمها

و لكن في جميع الحالات المذكورة أعلاه جميع فرص العمل حقيقة و هي لمؤسسات و لشركات موجودة و تدفع لنا أجور ليست بقليلة لقاء عرض فرصة العمل على موقعنا ، فكما تعلمون إن الأجور التي يتلقاها الموقع تقع على عاتق الشركات و المؤسسات فقط أما بالنسبة للباحثين عن عمل فاستخدام الموقع يكون مجاناً لهم، فلا يمكن فرصة عمل أن تظهر على الموقع بدون أن نكون على علم بصاحبها و باسم المؤسسة و حتى سجلها التجاري ...

هذا فيما يخص فرص العمل المعروضة على الموقع أما بالنسبة للمبوبات العمل المعروضة فهي مجانية حالياً و نحن لا نعرف الكثير عن أصاحبها

أما بالنسبة للصورة الشخصية صمن السيرة الذاتية على موقعنا فهي ليست بإجبارية، فإننا نقوم بتفعيل السيرة الذاتية سواء وجدت فيها صورة أو لم توجد و لكن للشركة عارضة فرصة العمل الحق بطلب سير ذاتية لمتقدمين تحتوي سيرتهم الذاتية على صورة، أما الباحث عن عمل فلديه الحق بعدم التقدم لتلك الفرص و التقدم فقط إلى فرص عمل لا تتطلب الصورة فالعديد من فرص العمل التي تعرض على الموقع لا تتطلب الصورة..

مدير الموقع

أنا برأيي بلا تشاؤم، كل واحد فيه يلاقي شغل على قدو المهم أنو يحاول...و يقتنع .الموظف لما بيتدلل بيتفسد ..و بصير ما بيشبع...صحي في أزمة بس هادا الشي بكل العالم فاللي عم يشتغل يشكر ربو

معكون حق بالطرح بس يا شباب بنروح على المقابلة الشخصية و بنشوف أنو الشركة مو عرفانة أصلاً شو بدها بتقلك تسويق و بكون بدها مبيعات و شوفير و مسؤول علاقات عامة و خدمة زبائن / الشركة أصلاً فايتة بالحيط شو بدنا نعملها؟

أنا عملت مقابلة في شركة من الشركات الكبرى ( سيريتل ) وبعد تجاوزي لكل الامتحانات المطلوبة ووصولي للقسم المختص النهفة أنو بقلولك بكل ( وقا......) عنا ضغط شغل كبير ولازم تداوم اضافي ولما بتسأهلهن الاضافي مأجور بجاوبوك بو قا..... أكتر من الاول لأ ما في .

وبيطلع feed back تبعك

Inflexible at all

فتأمل يا رعاك الله

المشكلة بتشتغل بشركة ما والمدير 

بنق كتير شو بتسوي بهل الحالة

للأسف .. كلو مباهاة وبهورة

اتوجه بالشكر لادارة الموقع على الجهود والافكار المبدعة التي قاموا بها

نتمنى من خلال هذا الموقع ايجاد وظائف جيدة في بلدنا سوريا - أفضل من الاغتراب

شاكرين لكم الجهود المبذولة