Self confidence but...
This article is only available in Arabic, To view it please ceck our Arabic interface
Comments
انا مع الصبايا باللي حكوه ..نظام المدراء عنا هو الحد من قدرات الاخرين لاحد سببين : او تبرير ليكون راتب اقل ما يمكن، او لحتى ما تسترجي تلاحظ اخطاؤون ، لانون غالبا بكونوا معقدين و عندون مرض السلطة لي اغلبنا هلا صرنا منعرفه منيح و كتار عم يعانوا منه... انا ثقتي بحالي كانت كبيرة..لاني درست و وتثقفت وتعبت كتير لطور حالي بكل المجالات...بس وين ما اشتغلت ..ازا عطيت راي او اشتغلت زيادة من حرصي عالشغل بكون ماحدا طلب منك .... ازا عملت لي عليي فقط بكون ماعندي ابداع ولا حس مبادرة .... ازا اشتغلت كل شي بايدي بكون ماعندي روح الفريق وازا طلبت مشاركة من غيري بكون مابعرف اشتغل ... وهيك بحس شو ماعملت ما بخلص .... بس الخلاصة انو لازم الواحد يكون بيعرف نقاط قوته ويحافظ عليها...ونقاط ضعفه ويشتغل عليها... الثقة بالنفس مو هية الغرور وشوفة الحال و الفوقية....الثقة بالنفس انك تعرف حالك منيييح وتتجاهل الناس المريضة وتعليقاتا.. ما تنتظر تقدير من حدا طالما بتعرف انو شغلك منيح.... والا ما يجي يوم تبين فيه قدراتك..لهيك ما تسمح لاشخاص تافهين و معاقين اخلاقيا يحبطوك او يحبطوكي.... والدنيا دوارة شباب D:
أنا ماعندي ثقة بحدا
بحالي وبس
للاسف يجب ان تكون الجامعة مرحلة مهمة في حياة الشخص لبناء ثقته بنفسه مهنياً
و لكن اساتذتنا الكرام في الجامعات يسعون بكل جهدهم ..........لتحطيم الطالب!!!
اكتر شي بيغيظني بحالي انو اوقات كتير بكون عرفانة او واثقة انو الشي اللي عملتو كتير منيح وحلو بس اذا ما سمعت كلام من حدا بقول هيك ما بحس حالي عملت شي
من تجربة شخصية غالباً اصحاب العمل يسعون لتكسير معنوياتك ومسح ثقتك بنفسك لكي ترى انه كتر خيرهم انهم مشغلينك عندهم وغير هيك انو هنن متحميلنك انا بشغل القديم شككوني بحالي وهلق طلعت منو وانا ماعندي جنس الثقة بحالي بعد ماكنت واثقة جداً من قدراتي
سيدي الكريم :
الثقة بالنفس عندما تاتي للشخص فيجب ان يكون لها مرجعية و ان يستند الواثق بنفسه على تلك المرجعية اي عندما يجتمع مهندس مع زميله الذي لم يستطع الحصول على شهادة البكالوريا فحكما سيرى الثقة بالنفس تتجلى امامه رغما عنه لكنه اذا اجتمع مع شخص مهندس حاصل على شهادات الاستاذ بالهندسة و يتبوء منصب وظيفي رفيع و عنده بعض المزايا طبعا هنا ستنعدم الثقة بالنفس امام هذا الشخص .
اما الذي يثق بشيء واهم فهذه الثقة هشة سرعان ما تذوب امام اية صعوبة تواجه ذلك الشخص فمثلا مدير تم تعيينه بالواسطة و ما اكثرهم حينما تواجهه مشكلة وظيفية لا يعرف كيف يديرها و يقدم الحل المناسب لها و ياتي شخص بنفس المستوى العلمي او ادنى و هو في اسفل السلم الوظيفي و يقدم الحل المناسب و الاستشارات المناسبة هنا ستتلاشى ثقة هذا الشخص بنفسه و سيعمل فورا على تحطيم غيره من اصحاب الخبرات
هذا هو مفهوم تطبيقي للثقة بالنفس و على كل واحد ان يعلم متى و اين و كيف يثق بنفسه لا ان نطلق العنان لخيالاتنا بالثقة العمياء التي تودي بنا الى وديان الانانية .
املين فتح مواضيع للنقاش اكثر فائدة بين ارباب العمل و طالبين العمل و ربما يتيح هذا المنبر المجال لرب العمل التعرف على ضالته بدلا من البحث عن ابرة في كومة قش .
بس الشي اللي بيقهر انو مو بس متل ما اتفضلتو بيحكو و بينتقدو .. لاء و بيسعو ليخربو
يا ناس نجاح المجتمع بنجاح الفرد ، ليش ما نشتغل لنصير احسن من العالم بدل نا نعملون مشاكل ؟؟
انا كان عندي ثقة بحالي بس للأسف صار معي قصة مع أصحاب بنك خاص مارح اذكر اسمو وفقدت هي الثقة وعاد عندي تقة لا بحالي ولا بالعالم