Private universities students, Are they more educated?
We could notice in the last few years that being proud of kids who go to private universities is so dominant…are they really more educated? Or that they are the students who couldn’t keep up with governmental education conditions so they took another path benefiting from the wealth of their parents
Do you see private universities more efficient and why?
Comments
يا عالم انا رح جن وكتير ضايع وماعم اقدر نام ... انا بكلوريا ادبي و نجحت وماطلعلي شي لأنو اقل من 180 من 220 مابيطلع شي للواحد ... بس بدي نصيحتكن انو عيدا لما ادخل معهد خاص للعلوم السياحية ...
الي حكى انو الجامعات الخاصة فيها مرونة يتفضل يجرب يدخل طب اسنان جامعة القلمون طلعت عيوننا بالطول و بالعرض شيلوا فكرة انو الدراسة كانت من مراجع ضخمة الا الشغل بالعيادات كان مطلوب كمية هائلة من المرضة و الاعمال بحياتو طالب حكومي ما اشتغلها بمادة وحدة عنا بجزء واحد كمية الاعمال الي فيها تعادل شغل اربع سنين بالحكومة مع العلم انو اذا ما خلصنا هالكمية المطلوبة بفصل واحد منرسب والي عم يحكي انو ما منحضر محاضرات و منرسب كمان يتفضل و يشوف انو نسبة الغياب اذا تجاوزت 15 بالمية كمان كنا ننحرم ما عدا اعمل الطالب الي من 20 ياما اخدين 10 و 15 لان الاعمال ما كانت ضمن الحدود فاي مرونة هي؟؟؟؟؟؟
طالب طب أسنان في جامعة خاصة :
خريج الجامعة الخاصة من كلية طب الأسناني لا يقارن بأي خريج من جامعة حكومية ...
عنا المخابر مجهزة بأحدث الأجهزة .... و العيادات مجهزة بأحسن الكراسي .. و أحسن المواد ...
و كل طالب آخد حئو بالشغل و التدريب ...
فإجباري طالب الجامعة الخاصة رح تكون كفائتو أعلى ...
انا درست في جامعة القلمون الخاصة كنت اسمع بالقلمون فكرت جامعة شغلي كبيرة طلعت ع الفاضي اسم وبس عند هالجامعة مو مهم التدريس المهم ياخدو مصاري كنت فهمان او غير فهمان او نجحت او رسبت البهم المصاري يا اخي ولو كان واحد معو مصاري بس شو شغلي تشليح اذا طالب بدو كشف علامات بيطلبوا 500 ليرة ليش على شو هو مو مكلف ورقة ولسا في كتير وانا براي انو الجامعة الحكومية احسن من الجامعة الخاصة وانا بنصح كل مين بدو يدخل جامعة لايدخل جامعة خاصة احسن مايتعذب ويحط مصاري ع الفاضي يعني يتغرب احسن وانا بعرف كتير طلاب تندموا كتير بعد ما فاتوا هالجامعة و على فكرة انا درست سنة وتركت ونقلت عالجامعة الحكومية ........... مع تمنياتي للجميع بالتوفيق
الجامعات الخاصه مناهجها غنيه بالمعلومات والشغل فيها على المرضى والحالات بتعلمنا شغلات موشايفها حدى في الوقت الحالي وكمان الدكاترة يلي فيا عبااااقره أنا بالسوريه الدوليه الخاصه وهي احسن جامعه خاصه هون بسوريا
That\'s a mold-breaker. Great thinikng!
الكسلان عمرو مابينجح بشي
خاصة أو حكومي,لي عندو هدف بينجح
بس الفرق إنو الجامعة الخاصة أعطت أمل جديد للطالب إنو يدرس أحسن مايسافر ويتغرب
خاصة إنو البكلوريا بعمر الطالب مابيقدّر مصلحتو ...
بالعكس خطوة كتير حلوة ببلدنا ,وعم تصنع جيل ناجح وواعي
وبالأخير الفاشل وين ماحطوا مستحييييييييييييييييييييييييييييييل ينجح
لحظة شوي..انا من عيلة مادياتا عادية جدا ..أهلي موظفين...يعني دخل البيت ما بيتجاوز العشرين ألف ...
وانا كنت طالب أدب فرنسي بجامعة حكومية .. بأحد الحافظات...وللأسف ..خسرت كل شي من لغة تعلمتا انا وصغير ..لأنو انا كنت طالب بمدرسة راهبات ..بعنب اللغة الفرنسية تبعي كانت أكثر من ممتازة ..بس بالجامعة ..الله لا يورجيكون ..طبعا انا ما بلوم حدا بهالناحية..لأنو الجامعات بوابا مفتوحا للكل ..بس للأسف هل الكل بيناسبون يكونو طلاب جامعات ؟؟
بعد دراسة سنتين .(.وعالفاضي) قررت أنو سجل بمعهد سياحي خاص...قسط هالمعهد 80000 ألف بالسنة ...ولأنو وضع العائلة ما بيسمح اضطريت اشتغل ..وليكني انا هلق رح اتخرج بعد تلات أشهر ..فلذلك ..الموضوع ما هو ماديات زايدة ..او شي من هالنوع ..
اما بالنسبة للتعليم ..أنا بقلكن من خبرة شخص جرب التنين ...التعليم الخاص عنا ممتاز ..اول شي باللغاة ..يعني اساتزة ممتازين ..بعدين بالمواد التخصصية ....بيكون جايبين احسن الناس..وبعدين ما بيكون عندك هالعدد الهائل بالقاعات ( يلي بتشبه الزريبة عيب منكون)
فأنا شخصيا متاكد أنو التعليم الخاص أفضل 100000% بس ضمنيا بتمنى و بدعي أنو يصير العكس..و يصير العام أحسن
كتير اشارو الي الجامعات الخاصة انا خريج جامعه حكومية رح حب قول ان الجامعات الخاصة ليشت افضل مع انو المناهج بالانكليزي و المناهج بلحكومي عم تتطور شوي شوي
بعرف زميلة في الجامعه الاروبية بتدرس ادارة اعمال الصبية ما تفتح كتب و لا بتقرب ع المواد غير قبل بيومين من الفحص لانو مو فاضة طلعات و فوتات و نت ... و ما رسبت و لا سنة .. و نحنا بندرس متل ال*** و بنحمل موارد و دوبلنا سنين لانو الدكتور قرر يحملنا لانو وصلتلو فكرة انو ما حاضرين و فهمانين شو بدو
اخيرا بحب قول انو في استهوان بلجامعات الخاصة لانو الطالب عم يدفع مصاري ما ممكن يخسروه لانو مدعوم بس هل الشي ما يمنع انو نقول في طلاب عم تشتغل ع الرغم من قلت اعدادهم
بداية تحياتي للجميع
أولا أنا من الطالبات خريجات جامعة دمشق وأود ان ألفت انتباه البعض أنني من خلال تجربتي مع كثير من خريجي الجامعات الحكومية ممن قد حصلو على 232 درجة في البكالوريا أنهم وفي الحياة العملية لايفقهون شيئا فعلامة البكالوريا لاتعني شيئا على الاطلاق الا في مخيلة طلبتنا وأهالينا فلو طلاب البكلوريا يتحولون عن فرع الطب لأصبح الطب 180 مثلا فالطالب الذي دخل الطب لايعني أنه عبقري زمانه ولازم يشوف حاله على جميع مخلوقات الكرة الارضية وكذلك طلاب الجامعات الخاصة فهم يطنون أنفسهم قد أصبحوا من عظماء التاريخ أرجو من الجميع أن يعي أمرا وهو أن الطالب نفسه من يصنع مستقبله و تبقى الحياة العملية هي الاختبار الحقيقي ويفترض بنا كطلاب جامعات مثقفون أن نتخلص من العقد التي قد أوثنا اياها مجتمنا بعادته المتخلفة فلا أحد يخفى عليه أن عظماء التاريخ لم يحصلو على 230 درجة في البكلوريا
على حكي الدكاترة اللي عنا واللي بيدرسوا بجامعات خاصة ,المستوى العلمي عندهم سيئ في مناهج ولكن الطلاب مالهم بالمستوى المطلوب.وبصراحة أنا هاد اللي شفته بكتير من طلاب الجامعات الخاصة.
هناك لفتة مهمة يجب عدم تجاهلها ان دكاترة الجامعات الحكومية هم نفسهم دكاترة الجامعات الخاصة يعني جودة التدريس نفسها , طبعا ً هاد بيعتمد على ضمير الدكتور اذا كان بيفرق بالتريس بالإعتماد على الراتب , أما من حيث المناهج فإن المناهج الخاصة و العامة تخضع للمراقبة من قبل مجلس التعليم العالي في وزارة التعليم , ولكن اريد هنا ان اشير الى أن الفرق بين الجامعات الخاصة والعامة فقط هو انه في الجامعات الخاصة يوجد مرونة اكتر , تجهيزات متطورة والذي تفتقد اليه الجامعات الحكومية حتى في ابسط الأمور
السلام عليكم
مع إحترامي لكل ماقيل وسيقال، لأن أي رأي في النهاية يحتمل الخطأ ويحتمل الصواب وهو بكل تأكيد رأي يتوجب إحترامه.
أنا خريج جامعة القلمون والتي ذكر أحدهم في الأعلى أحد الإحصائيات التي جعلت من القلمون الجامعة الخاصة الأولى مقارنة بالجامعات الخاصة الأخرى.
لو أن لي العودة في الزمن لإخترت بكل تأكيد إما جامعة أخرى أو على الأقل فرعا آخر غير الفرع الذي إخترته، علما أنا فرعي كان فرع علوم الحاسب. قبل أن أسترسل في تعليقي أود القول بأنني تخجت حديثا وأنني الأول على خريجي دفعتي من قسمي. للأسف كل من فرعي علوم الحاسب وهندسة تكنولوجيا المعلومات فرعان يرثا لهما حقا في جامعة القلمون. مناهج سيئة وفقيرة. كل مدرس يجاري الطلاب في رغباتهم وأهوائهم، فرغم كون المناهج فقيرة من حيث الكم وأهمية المعلومات نرى أنا الطلاب تطالب بتخفيض الكم وكثير من المدرسين يتجاوبون مع الطلاب. في السنة الأولى لي في الجامعة كانت هناك الكثير من الأسماء المعروفة في عالم التدريس إن كان في جامعة دمشق أو من جامعة البعث ممكن يقوم بالتدريس في الجامعة وممن لايهتم كثيرا لرغبة الطالب ، لكن شيئا فشيئا ونتيجة لسياسة الجامعة إن كان المادية أو غيرها تسبب ذلك في إستقالة الكثير من المدرسة وتوجههم للتدريس في جامعات أخرى.
لازلت أقول حتى اليوم بأنني لم أبذل يوما جهدا للحصول على المركز الأول بين زملائي، وأؤكد بأن مستوى الجامعات الخاصة سيء تماما في الفروع الهندسية سواء من ناحية الإهتمام أو من ناحية المناهج وماتحتويه. لو فكر أحدكم بالذهاب لمعاينة مشاريع تخرج طلاب الهندسة المعلوماتية أو علوم الحاسب في جامعة القلمون فسيضحك ضحكا لم يقم به من قبل بكل تأكد حينما يرى كم هي سخيفة وغير لائقة بطلاب جامعة ورغم ذلك الطلاب تتخرج وبتقديرات ممتازة وجيدة في مشاريع التخرج.
لعل مناهج الجامعات الحكومية أقل حداثة إلا أن أسلوب التدريس الغير جيد أيضا والذي يعتمد بضخ معلومات بكميات هائلة فقط يدفع الطلاب للبحث والدراسة بمجهود أكبر للحصول على علامات النجاح بعد أن نضيف لذلك عدم تساهل الدكاترة في الجامعات الحكومية مع الطلاب لأن عدم نجاح الطلاب لن يعني إستقالة المدرس أو الدكتور تحت ضغط من أي جهة كما يحدث أحيانا في الجامعات الخاصة.
لربما أن فروع الطب والصيدلة في جامعة القلمون تلقى إهتماما أكبر بكثير من الفروع الاخرى، لكنني لست أملك الكثير مما أثق تماما بصحته لأقول بأن الجامعات الحكومية أفضل أم الجامعات الخاصة في هذه الفروع بالذات.
بعيدا عن هذا وذلك، برأيي شهادة الثانوية العامة في سوريا ليست بمقياس عن كفاءة الطالب في فرع جامعي ما أو غيره، نتيجة للأسلوب التعليمي الخاطئ والذي يجعل بدوره من الثانوية العامة مقياس غير دقيق في تحديد تلك الكفاءات للأسف.
أود في نهاية تعليقي أن أقول لأن الطالب هو الأساس، نعم لابد للجامعات من أن تمنح القدر الأدنى من المعلومات أو على الأقل أن تعلم الطالب أساس منهجية البحث والوصول إلى المعلومة الصحية مع حد أدنى من المعلومات الأساسية، لكن الطالب هو من يبنى نجاحا أو فشلا بكل تأكيد بما يبذله من جهد في سبيل تحقيق أهدافه وغاياته
معليش بس من فترة صار ترتيب لجامعات السورية بكلية طب الاسنان من خلال الامتحان الوطني يلي عملتو الوزارة لكل الجامعات وطلعت الجامعة السورية الدولية الخاصة الاولى على كل الجامعات الخاصة والحكومية
كثير من الناس يقومون بأدارة اعمال وليس معهم شهادات من الذي يملك شهادة
أنا ما رح فوت بخضم هالمعركة اللي عنوانا العريض \"ما حدا بيقول عن زيتو عكر\"
أنا حابب كون حيادي
ومارح عبر عن رأيي بالموضوع
بس...
حدا فكر ياخد بعين الاعتبار التصنيف العالمي لللجامعات؟
بالنسبة لسوريا آخر تصنيف للجامعات فيها وفق تصنيف 4ICUs العالمي:
1-جامعة تشرين بالمركز/3197/
2-جامعة دمشق بالمركز /5531/
3-جامعة البعث بالمركز /5732/
4-جامعة القلمون بالمركز /6697/
5-المعهد العالي للعلوم التطبيقية والتكنولوجيا بالمركز/7434
6-جامعة الاتحاد الخاصة 7633
7-الجامعة العربية الدولية الخاصة 8142
8-الجامعة الدولية للعلوم و التكنولوجيا 8386
9-جامعة الأندلس الخاصة بالمركز /8484/
10-الجامعة الخاصة للعلوم و الفنون بالمركز /8738/
11-جامعة الحواش الخاصة فقد احتلت المركز /8750/
12-جامعة حلب الحكومية بالمركز /8881/
13-جامعة المأمون الخاصة للعلوم و التكنولوجيا بالمركز /9372/
14-المعهد الوطني للإدارة العامة بالمركز /9491/
15-جامعة الوادي الدولية بالمركز /9539/
ولا تعليق
انا طالب بجامعة حكومية بدرس صيدلة..... مقارنة المناهج الدراسية بين كلية الصيدلة في جامعة دمشق وكلية الصدلة في اي جامعة خاصة يظهر فرق شاسع في كم المعلومات التي يحصل عليها الطالب..... حتى باعتراف مدرسين مشتركين بين الجامعتين.... المقررات في الجامعات الحكومية
اضعاف المقررات في الجامعات الخاصة.... هي حقيقة واضحة لاي شخص بدو يدقق بالموضوع... واكيد ما تركزو على فكرة المراجع يللي عم يرسوها بالجامعات الخاصة لان بالحقيقة هم بياخدو من الكوم حبة.... وبالنسبة للغة الانجليزية..... ابدا ما كانو طاب الجامعات الخاصة بمستوى احسن باللغة الانجليزية مني او من زملائي ......يعني هي حقيقة المناهج ... وانا من كم سنة جبت 232 بالفرع العلمي واغلب زملائي جابو هيك علامة... بينما طلاب الجامعات الخاصة اغلب معدلاتهون تحت ال200, ليش في كتير ناس عم تقلل من اهمية هالنقطة؟؟؟ انا مثلا من انا صف اول كتير مهتم بدراستي.... ولازلت في الجامعة هيك.... وبالنسبة للتجهيزات يللي ديما بيصير تركيز عليها او اللغة ... انا عملت ستاج ببريطانيا... بمخبير كتير متطور... وما كان عندي مشكلة بالتواصل مع الاجهزة او الطلاب والمدرسين...... انا بالنهاية بدي ئول شغلة..... الحياة فرص... وكل انسان جدير انو تكون الو فرصتو.... وبالمقارنة بين طاب الجامعات الخاصة والحكومية.... نحن متساوين عى الاقل... وازا في طرف متفوق على التاني...فهو بالتاكيد الجامعة الحكومية
الدريس بينجح وين ما كان ..صحيح اليي ما معو مصاري بيتعذب شوي أكتر بس الله بعيم و بحاسبك على قد ما عطاك
أولاً الثقافة لاتقاس بمستوى التعليم أو مصدره فكون الشخص طالب جامعي لايعني كونه مثقفاً وبالتالي كونه طالب جامعة خاصة لايجعله سوبر مثقف.
أما إذا كان السؤال عن مستوى التعليم؟ فهنا لابد من الإشارة إلى أن المناهج المستخدمة في الجامعات الخاصة أحدث من الجامعات الحكومية إضافة لموضوع التدريس باللغات الأجنبية مما يعطي الطالب دعماً إضافياً سواء كان على مستوى اللغة أو على مساوى التعامل مع الأبحاث والدراسات الأجنبية المتعلقة بموضوع دراسته والمنشورة كمطبوعات أو على الانترنت. لكن في كل الحالات يبقى جهد الطالب الشخصي واجتهاده وبحثه عاملاً أساسياً في مستواه وإتقانه لمادة دراسته.
- لا والف لا لان التدريس في الجامعات الخاصة يفوق التدريس فب الجامعات الحكومية 5 اضعاف من كافة النواحي مع العلم ان كل طالب اديه المقدرة على النجاز والبداع في المجال الذي اختاره
طلاب الجامعات الخاصة عم يحصلوا على جودة اعلى في التدريس من قبل الدكاترا و البيئة التدريسية
أما طلاب الجامعات الحكومية عم يحصل على جودة اقل
و هذا لايعني بالضرورة حصول خريج الجامعة الخاصة على معرفة اكبر برأي الموضوع بيرجع للطالب نفسة
و لكن بنغس الوقت انا اثق بخريج الجامعة الحكومية اكثر و في النهاية الكل يثبت نفسه و معرفته في سوق العمل
و لا يمكن ان نعامل كل الجامعات الخاصة بنفس الدرجة ..